UNICek ikerketa bateratuaren dimentsioa ezagutarazi du: “UNIC 4 Engaged Research” (UNIC4ER)

Irailaren 1ean, UNICek ikerketa programa bateratu bat jarriko du abian ikerketa konprometituaren gainean, herritarrak, gizarte zibila eta agintari publiko eta pribatuak ikerketan eta berrikuntzan inplikatzeko eta parte hartzeko.

Horizon2020k lagundutako UNIC4ER programaren bidez, UNIC 4 Engaged Research, aliantzak estrategia, egitura, plataforma eta bikaintasun bateratua garatuko ditu ikerketa konprometituaren inguruan, 8 unibertsitate kideetan eta haien artean inklusioa, inpaktua eta mugikortasuna hobetzeko estrategia gisa. Horrek aliantza indartuko du eta egungo lankidetzari ikerketa-dimentsio garrantzitsu bat gehituko dio.

Unibertsitate kideek, estrategia bateratu bat garatzeaz eta ikerketa konprometituari buruzko adierazpen bateratu bat igorreaz gain, UNIC Academy berri bat garatuko dute ere, unibertsitateen eta haien hirien arteko elkarlana indartuko duena, baita UNICen parte hartzen duten 8 hiri posindustrialen artekoa ere. Akademia horrek benetan europarra den azpiegitura emango du ikerketa konprometitua trantsizio posindustrialen hainbat alderdien inguruan sustatzeko, hala nola osasuna, gobernantza, desberdintasunak, teknologiak, ingurumen-gaiak eta askoz gehiago. Gainera, UNIC Open Science Campus bat garatuko da, ikerketa eskuratzeko eta ikerketa konprometituaren inguruko esperientziak partekatzeko plataforma bat eskainiko duena. Jarduera horien bidez, UNICek bikaintasun-komunitate bat garatuko du bere barruan, baita UNIC aliantzatik harago ere, ikerketa konprometitua eta irakaskuntza lortzeko moduari buruzko prestakuntza eta tailerrak prestatuz.

UNIC4ER programak unibertsitateek Europako Goi Mailako Hezkuntzaren Esparruaren testuinguruan gero eta estuago lankidetzan aritzeko dituzten asmoak sustatzen lagunduko du. 2020an UNIC sortzean, hezkuntzamugikortasuna eta berrikuntzari baita inklusioari eta inpaktuari buruzko jarduera-sorta zabal bati ekin zitzaion. UNIC4Erek ikerketa-dimentsio zabalagoa emango die UNIC Virtual Campusari, UNIC CityLabsei eta UNIC Superdiversity Academy-ari.

UNIC4ER-ekin, unibertsitateen arteko lankidetza indartzeaz gain, unibertsitate bakoitzaren eta bere hiriaren arteko lankidetza baita zortzi hirien artekoa ere indartu nahi du aliantzak. Europako beste unibertsitate batzuekin ere harremanetan jarri eta elkarrekin lan egin nahi du. UNICek lantalde bat zuzenduko du herritarren konpromisoari buruz, Europako unibertsitateek ezagutzak eta esperientziak trukatzeko onura izan dezaten eta, gainera, inklusioan eta inpaktuan oinarritutako Europako unibertsitateen etorkizuna lortzen lagun dezaten. 

UNIC4ER 2021ko irailaren 1ean hasiko da, eta 3 urtez garatuko da UNIC aliantzaren egitura-ezaugarri gisa hurrengo urteerako. UNIC4ER-i buruzko informazio gehiago emango da UNIC webgunearen bidez, ww.unic.eu.